Sverdlovsk vilayətinin turizm sənayesinin təmsilçiləri AHA ofisini ziyarət edib

11 May tarixində Rusiya Federasiyasının Sverdlovsk vilayətinin Turizm və Qonaqpərvərlik sənayesinin inkişafı departamentinin direktoru Elmira Tukanova və turizm sənayesinin digər təmsilçiləri AHA ofisini ziyarət edib.
Görüşdə iki tərəfli əməkdaşlıq imkanları, rusiyalı turistlərin davranışları və istəkləri ilə bağlı hotel nümayəndələri üçün təlimlər, üzv hoteller üçün roadshowların təşkil olunması, tur operator və hotellər arasında B2B görüşlərin təşkili və Sverdlovsk bazarında Azərbaycan hotellərinin təbliğatı kimi məsələlər müzakirə edildi.