Mərkəzi Asiya Regional İqtisadi Əməkdaşlıq Proqramı (CAREC) Turizm İşçi Qrupu Toplantısı və Bacarıqların Artırılması Seminarı baş tutdu

Mərkəzi Asiya Regional İqtisadi Əməkdaşlıq Proqramı (CAREC) Turizm İşçi Qrupu Toplantısı və Bacarıqların Artırılması Seminarı 25-27 iyun tarixlərində Türkiyənin İstanbul şəhərində baş tutdu.
Əsas müzakirələr CAREC-in VisitSilkRoad portalının uzunmüddətli uğuru, regional turizm sənayesinin potensialı, regional turizm məhsullarının inkişafı, viza rejiminin sadələşdirilməsi və regional əməkdaşlığı genişləndirmək üçün birgə turizm ofisinin yaradılmasına yönəldilib.

Seminar CAREC üzvü olan 10 ölkənin dövlət rəsmiləri, turizm mütəxəssisləri və özəl sektor nümayəndələri də daxil olmaqla 40-dan çox iştirakçını bir araya gətirdi. Proqramda regionun unikal görməli yerlərini vurğulayan turizm məhsullarının təşviqi üçün cəlbedici regional yanaşmanın vacibliyi vurğulanırdı. Seminar həmçinin güclü regional turizm brendi yaratmaq və ziyarətçilərin təcrübələrini artırmaq üçün CAREC ölkələrinin zəngin mədəni irsindən dəstək almaq məqsədi daşıyırdı.

Seminarda Azərbaycan Hotel Assosiasiyasının Aparıcı auditoru Fidan Sultan, Dövlət Turizm Agentliyinin Turizm sənayesi və layihələrlə iş sektorunün müdiri Günay Bayramova, İqtisadiyyat Nazirliyinin Baş məsləhətçisi Bəhruz Seyidli iştirak etmişdir.