AHA növbəti «Future Hospitality Leaders» tədbirini Xəzər Universitetində keçirdi

12 mart 2024-cü il tarixində Azərbaycan Hotel Assosiasiyası (AHA) növbəti «Future Hospitality Leaders» tədbirini Xəzər Universitetində keçirmişdir.

Tədbirin məqsədi universitetlərdə, tələbələri qonaqpərvərlik mövzusunda maarifləndirmək, yeni istedadları kəşf etməkdir və bu silsilə tədbirlər digər universitetlərdə də davam etdiriləcəkdir.

Tələbələrlə görüşdə spikerlər öz uğur hekayələri və karyera yolları haqqında danışdılar.
İnanırıq ki, bu tədbir tələbələr üçün çox ilhamlandırıcı oldu və tezliklə onları daim inkişaf edən qonaqpərvərlik sahəsinin bir hissəsi olmağa sövq etdi.

Sual-cavab sessiyasından sonra ən aktiv iştirak edən tələbələr spikerlər tərəfindən qalib seçildi və qalib olan 5 tələbə növbəti günlərdə spikerlərin çalışdıqları hotellərdə görüş şansı qazandı.
Tədbirdə iştirak edən dəyərli spikerlərə və görüşün təşkilində dəstəyinə görə Xəzər Universitetinin Karyera Mərkəzinə təşəkkür edirik.