Dekabrın 7-də Ulu Öndər Heydər Əliyevin 100 illik yubileyinə həsr olunmuş “Azərbaycan Turizm Sammiti 2023” baş tutub.
Tədbirdə 2023-cü il ərzində turizm sahəsinin inkişafı üçün görülən işlər, “2023-2026-cı il üçün Turizm İnkişaf Strategiyası”nın hazırlanması, “Mehmanxanaların ulduz kateqoriyaları üzrə qiymətləndirmə meyarları”na uyğun olaraq il ərzində ulduzlaşma üçün müraciət edən 173 hoteldən 114-nün auditinin başa çatması qeyd edilib.
AHA-nın sədri Eldar Əlimuradov tədbirdə "Azərbaycanda qonaqpərvərlik sənayesinin inkişaf imkanları" mövzusunda çıxış edib, AHA-nın 2023-cü ildəki nailiyyətləri və növbəti il üçün fəaliyyət planından bəhs edib.